ចៅអធិការវត្ត កំពង់ក្តុល ឆីស្រីរហូតមានកូនត្រូវបានចាប់ខ្លួន
ភ្នំពេញ៖ កាលពីថ្ងៃទី១៩ ខែកញ្ញា ឆ្នាំ២០១៨ បញ្ជូនខ្លួនអតីតព្រះចៅអធិការវត្តកំពង់ក្តុល មាជ សុវណ្ណ ក្រោយពីបែកធ្លាយ រឿងលួចលាក់ មានស្នេហា ជាមួយស្រីម្នាក់ រហូតមានកូន ត្រូវបានផ្សឹក នឹងបណ្តេញចេញ ពីវត្ត ទៅអយ្យការអមសាលាដំបូងរាជធានីភ្នំពេញ ពាក់ព័ន្ធករណីប្រើប្រាស់ ដោយខុសច្បាប់ នូវសារធាតុញៀន ក្រោយពីពិនិត្យទឹកនោម ឃើញមានសារធាតុញៀន។
លោក ចែ សុង ព្រះរាជអាជ្ញារង អមសាលាដំបូងរាជធានីភ្នំពេញ សម្រេចបញ្ជូនអតីតចៅអធិការវត្ត កំពង់ក្តុល ខណ្ឌដង្កោ ទៅមណ្ឌលបន្សាប គ្រឿងញៀន ។
នៅយប់ថ្ងៃទី១៧ ខែកញ្ញា ឆ្នាំ២០១៨ ប្រជាពលរដ្ឋបាន ដាក់គ្នា តាមដានតាំងពីព្រលប់ រហូត ដល់ម៉ោង៣ទៀបភ្លឺថ្ងៃទី១៨ ខែកញ្ញ ក៏ឃើញព្រះសង្ឃ អង្គនេះ ជិះម៉ូតូឌុបគ្នាជាមួយ ស្រីកំណាន់ចិត្តចេញ ពីផ្ទះឆ្ពោះមកកាន់វត្តកំពង់ក្តុលវិញ ស្របពេលនោះ ប្រជាពលរដ្ឋ បាននាំ គ្នាចាប់ព្រះសង្ឃ មាជ សុវណ្ណ នឹងស្រីកំណាន់ចិត្តប្រគល់ ឲ្យសមត្ថកិច្ចខណ្ឌដង្កោ ។
ក្រោយពីប្រជាពលរដ្ឋតាមដានទាន់ នឹងមានភ័ស្តតាង ជាក់ស្តែង ចំពោះទង្វើប្រាស់ចាកពីធម៌ព្រះពុទ្ធរបស់ព្រះតេជគុន មាជ សុវណ្ណ សមត្ថកិច្ចសម្រេច ឃាត់ខ្លួនប្រគល់ឲ្យអនុគុណនឹងមន្ត្រីធម្មការខណ្ឌដង្កោ បន្តនីតិវិធីទៅតាមច្បាប់ វិន័យព្រះពុទ្ធសាសនា ។
ជុំវិញ នឹងករណីនេះ ព្រះចៅអធិការវត្តកំពងក្តុល មាជ សុវណ្ណ បានមានសង្ឃដីកាសារភាពថា ព្រះអង្គពិតជាបានប្រព្រឹត្ត នៅទង្វើ បែបនេះមែន ហើយព្រះ អង្គក៏សុំទោស ដល់ពុទ្ធបរិស័ទទាំងអស់ ដោយព្រះអង្គសម្រេចសឹកលាចាក សិក្ខាបទពី ព្រះពុទ្ធសាសនា ទៅរស់នៅធម្មតាដូចពលរដ្ឋទូរទៅវិញ។
ទោះបីយ៉ាងណាក៏ ដោយ សមត្ថកិច្ចនៅតែសម្រេចឃាត់ខ្លួនបុគ្គល មាជ សុវណ្ណ នេះបញ្ជូនទៅកាន់អធិការដ្ឋាន នគរបាលខណ្ឌដង្កោ ដើម្បីកសាងសំណុំរឿង បញ្ជូនទៅតុលាការបន្តនីតិវិធីតាមផ្លូវច្បាប់ ក្រោយ ពីពិនិត្យឃើញថា បុគ្គលនេះពាក់ព័ន្ធនឹងបទល្មើស ប្រើប្រាស់ដោយខុស ច្បាប់នូវសារធាតុញៀន ៕
