ប្រជាពលរដ្ឋចុះមុជទឹកទន្លេក្រោមស្ពានជ្រោយចង្វាប្រទះឃើញសាកសពអណ្ដែតទឹកផ្អេីលទាំងព្រឹក
ភ្នំពេញ៖ ផ្អេីលទាំងព្រឹកទៀតហេីយ! ! ប្រទះឃើញសាកសពអណ្ដែតទឹកទាំងព្រលឹម ខណៈពេលដែលប្រជាពលរដ្ឋចុះមុជទឹកទន្លេក្រោមស្ពានជ្រោយចង្វារបង្កការភ្ញាក់ផ្អេីលចោមរោមមើល ពីលើស្ពាននិងបានរាយណ៍ការទៅសម្ថកិច្ច ដេីម្បីមកពិនិត្យ ។
ហេតុការណ៍នេះបានបង្កការភ្ញាក់ផ្អេីល កាលវេលាម៉ោង៦.០០នាទីព្រឹក ថ្ងៃទី២៩ ខែមិថុនា ឆ្នាំ២0១៩ ចំណុចក្រោមស្ពានជ្រោយចង្វារត្រេីយខាងលិច ភូមិ១៦ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
សពបុរសដែលស្លាប់បាត់បង់ជីវិតខាងលើមិនទាន់ស្គាល់អត្តសញ្ញាណនោះទេព្រោះអីសាកសព មានសភាពហើមអណ្តែតទៅហើយដែលមានភិនភាគពាក់អាវយឺតដៃវែងពណ៌ប្រផេះ ស្លៀកខោខាវបោយជេីងវែង ពាក់ស្រោមជេីងពណ៌ខ្មៅ ក្បាលត្រងោលមិនឃើញមានសក់និងសក់មានសភាពហើមអណ្តែតផ្កាប់មុខចុះក្រោម។
តាមប្រភពពីប្រជាពលរដ្ឋបានប្រាប់អោយដឹងថា នៅព្រឹកថ្ងៃទី២៩ខែមិថុនាឆ្នាំ២០១៩ គាត់បានងេីបពីគេងអង្គុយលេីផ្ទះមេីលទៅទន្លេ ឃេីញសពអណ្ដែតទឹកតែស្មានតែម៉ាឡាកាំង ដល់ពេលពួកគាត់ចុះទៅងូតទឹកបោកខោអាវនៅច្រាំងទន្លេក្រោមស្ពានជ្រោយចង្វារ ពេលទៅមេីលជិតបានដឹងថាជាសាកសពបុរសម្នាក់ មានសភាពហេីមទៅហើយរួចបានរាយការប្រាប់ទៅសមត្ថកិច្ចមូលដ្ឋានចុះមកត្រួតពិនិត្យកន្លែងកើតហេតុ ។
ក្រោយពេលកេីតហេតុសម្ថកិច្ច សង្កាត់ស្រះចក បានទំនាក់ទំនង ទៅសមត្ថកិច្ចជំនាញមកពិនិត្យ សាកសព និងស្រាវជ្រាវរកសាច់ញាត្តិដេីម្បីប្រគល់សព យកទៅធ្វេីបុណ្យតាមប្រពៃណី ។អត្ថបទ៖ហេង វុត្ថា
